فــــي المغرب فقــــط

فــــي المغرب فقــــط:

صبّاط إلى طلع فوق صباط يقولك غاذي تسافر.

...الصندالة مقلوبة جاين ضياف.

ما تصفرش فالدار التصفار يدخل لخلا للدار.

ما ضربش خوك بالمغرفة راه يبقى بلا زواج.

ما تلحسش الطبسيل باش ما ادّيرش العرس فالشتا

فقط فـــي المغرب
.
.
.
.
.............
. فقط
بسبس = باغي طيح شي بنت
كسكس = زعما صاوب كسكسو
عرعر = زعما غوت
...قرقر = اشرب
قشقش = زعما هرس
فرفر = زعما طير
شرشر = زعما الماء تيتهرق بزربا
نقنق = التنقنيق = زعما شي تبركيكة
سخسخ =سخسختيني ا صحبي عييتيني
خرخر = شي واحد مروح تيخرخر
قلقل = جيب الخبار
كركر = ضحك
زعزع = حرك
دردر = دردر جلجان على شباكية
تكتك = بَرَّع
كم كم = أنت كم كم وأنا نفهم

كنـــاكلو لحم وكنمصو لمخ ديال لعظم
كنساليو شامبوان وكنعمرو القرعة بالما باش تدير الرّغوة
كنحلٌو دانون وكنلحسو لغــطا
تنساليو حجر الراديو وتنعضووووووووووووه ......

في المغرب فقط "الدار" هي مخلوق حي :
========================
_ خارج مع دار
_ مريح مع دار
_ كحلتها مع دار
... _ كاعي مع دار
_ انتكلم لدار
_ انسافر مع دار
_ كانضحك مع دار
_ كانتغد مع دار
_ كانتفرج مع دار
_ حتا نشوف مع دار
_ انكلم ليك دار
_ غادي نعيد مع دار
_ وزيد وزيد .....

الشعب الي كياكل ويخلي اللحم هو الأخير...

......الشعب الي ماكيشربش أتاي إلاماكانتش الكشكوشة...

اغرب مشهد كنشفوه كاملين مني كيبغي شي حد يشري سروال... كيقيسو فعنقو

وماتاكلش من الكسكاس باش ما يجيش زهرك متقوب
وماتاكلش الخنشوش باش ما يجيش عرسك فالعجاج
ما تاكلش كبدة الدجاج باش ما تجيش خواف

النار= ففو
الغول = بوعو
المرحاض = كاكا
الوسخ = كخي كخي
النوم = نني
المشي = دداش
الوردة = نونو
الاكل = ميمي
الحلوى = قاقا
لاشيء = باح
اجلس = تيتي
الالم = ديدي
طفل = مومو
هل من اضافة ؟

!! ما أحلى الطفولة

نحن مغاربة و نفتخر